नयाँ दिल्ली, 18 अगस्त (पीटीआई):
प्रधानमन्त्री नरेन्द्र मोदीले शुक्रबार भारतले समतामूलक तथा सामूहिक समृद्धि हासिल गर्ने दिशामा उल्लेखनीय प्रगति गरिरहेको बताएका छन्। केही रिपोर्टहरूमा देश आर्थिक प्रगतिको नयाँ युगको शिखरमा उभिएको छ र अघि बढ़िरहेको जनाउँदै 2047 सम्म विकसित हुने दाबी गरिएको छ। Linkedin मा एक पोस्टमा के भनेका छन् भने उनले भर्खरै दुई अन्तर्दृष्टिपूर्ण शोधपत्र भेट्टाए जसले भारतको अर्थव्यवस्थाको बारेमा सबैलाई चासो दिनेछ: एउटा एसबीआई अनुसन्धानबाट र अर्को पत्रकार अनिल पद्मानाभनद्वारा गरिएको छ।
“यी विश्लेषणहरूले हामीलाई धेरै खुशी पार्नुपर्ने कुरामा प्रकाश पार्छन् – कि भारतले समान तथा सामूहिक समृद्धि हासिल गर्न उल्लेखनीय प्रगति गरिरहेको छ”, उनले भने। यी रिपोर्टका मुख्य कुराहरू साझा गर्दै उनले भने, एसबीआई अनुसन्धानले (आईटीआर रिटर्नमा आधारित) भारित औसत आयले विगत नौ वर्षमा प्रशंसनीय छलाङ मारेको औंल्याएको छ, जुन (आकलन वर्ष) 14 मा 4.4 लाख रुपियाँबाट बढ़ेर वित्तीय वर्ष 23 मा 13 लाख रुपियाँ भएको छ। दुई रिपोर्टहरूबाट धेरै डाटा पोइन्टहरू पोस्ट गर्दै उनले भने कि यी निष्कर्षहरूले भारतको सामूहिक प्रयास मात्र प्रतिबिम्बित गर्दैनन्, तर एक राष्ट्रको रूपमा यसको सम्भावनालाई पनि दोहोर्याउँदछन्।
“बढ्दो समृद्धि राष्ट्रिय प्रगतिको लागि राम्रो सङ्केत हो। निस्सन्देह, हामी वित्तीय समृद्धिको नयाँ युगको शिखरमा उभिरहेका छौं र 2047 सम्ममा हाम्रो सपना ‘विकसित भारत’ पूरा गर्ने बाटोमा छौं”, उनले भने।
प्रधानमन्त्रीले आफ्नो 2022 स्वतन्त्रता दिवसको भाषणमा पाँचवटा सङ्कल्पको घोषणा गरेका थिए र 2047 सम्म भारतलाई विकसित देश बनाउने – जब देशले स्वतन्त्रताको 100 वर्ष मनाउनेछ – ती मध्ये एक थियो। त्यसयता उनले भ्रष्टाचार र वंशवादजस्ता विकृति हटाउन आह्वान गर्दै यस लक्ष्यको वरिपरि आफ्नो सरकारका विभिन्न उपायहरू बारम्बार बनाएका छन्।
आफ्नो पोस्टमा, प्रधानमन्त्रीले भने कि पद्मानाभनको आईटीआर डाटाको अध्ययनले आय कोष्ठकहरूमा कर आधारलाई फराकिलो पार्ने सुझाउ दिन्छ र तिनीहरूमध्ये प्रत्येकले कर फाइलिङमा न्यूनतम तीन गुणा वृद्धि देखेको छ, कतिपयले झण्डै चार गुणा वृद्धि पनि हासिल गरेका छन्। त्यहाँ खोजले राज्यभरि आयकर दाखिलामा भएको वृद्धिको सन्दर्भमा सकारात्मक कार्यसम्पादनलाई प्रकाश पार्दछ।
2014 र 2023 बीचको आईटीआर फाइलिङहरूको तुलना गर्दा डेटाले सबै राज्यहरूमा बढेको कर सहभागिताको आशाजनक चित्र चित्रण गर्छ”, उनले थपे। उदाहरणका लागि, आईटीआर डेटा विश्लेषणले के देखाउँछ भने उत्तर प्रदेश राज्य आईटीआर फाइलिङको कुरा गर्दा शीर्ष प्रदर्शन गर्ने राज्यहरू मध्ये एकको रूपमा उभिएको छ। जून 2014 मा उत्तर प्रदेशले सामान्य 1.65 लाख आईटीआर फाइल रिपोर्ट गरेको थियो, तर जून 2023 सम्ममा यो संख्या बढ़ेर प्रभावशाली 11.92 लाखमा पुगेको थियो”, उनले भने।
एसबीआई रिपोर्टले एक उत्साहजनक पक्षलाई पनि अगाडि ल्याउँछ कि साना राज्यहरू र त्यो पनि उत्तरपूर्वी मणिपुर, मिजोरम र नागाल्याण्डले विगत नौ वर्षमा आईटीआर फाइलिङमा 20 प्रतिशत भन्दा बढीको सराहनीय वृद्धि देखाएका छन्, उनले भने। “यसले आम्दानी मात्र बढेको होइन, अनुपालन पनि भएको देखाउँछ। अनि, यो हाम्रो सरकारमा जनताको विश्वासको भावनाको अभिव्यक्ति हो”, उनले थपे। (पीटीआई)
फोटोः भारतका प्रधानमन्त्री नरेन्द्र मोदी (फाइल फोटो)